Berdaq atındaḡı Qaraqalpaq mámleketlik universiteti Repressiya qurbanların eslew muzeyinde Ózbekstan Respublikası Prezidentiniń 2024-jıl 19-iyuldaḡı PQ 270-sanlı “Siyasıy repressiya qurbanı bolǵan jerleslerimizdiń ómiri hám iskerligin úyreniw hámde olardıń estligin máńgilestiriw boyınsha jumıslrdı keńeytiw haqqinda»ǵı qararınıń orınlawın támiyinlew maqsetinde 2-oktyabr hám 10-oktyabr kúnleri aralıǵında Repressiya qurbanların eslew hápteligi shólkemlestirilmekte.
Usı háptelik sheńberinde universitet quramındaǵı Repressiya qurbanların eslew múzeyinde Qaraqalpaq mámleketlik universiteti hám Qaraqalpaqstan Respublikası Pedagogikalıq sheberlik orayı menen birgelikte «Repressiya qurbanları kewilimizde máńgi jasaydı» atamasında ruwxıy-aǵartıwshılıq ilaj ótkerildi.
Ilajǵa muzey direktorı A.Qudiyarov hám ilimiy xızmetker A.Alimbetov hám «Social-ekonomikalıq pánler metodikası» kafedrası professor-oqıtıwshıları menen birge Tariyx, tárbiya pánleri kursı tıńlawshıları qatnastı.
Ilaj qatnasıwshıları dáslep muzeydiń ashılıw tariyxı, muzeyde islenip atırǵan jumıslar, kórkem óner fakulteti jámááti tárepinen qoyılǵan kórgizbeler hám muzeydiń tiykarǵı ekspoziciya zalı menen tanıstı.
Ilajda muzey direktorı A.Qudiyarov hám «Social-ekonomikalıq pánler metodikası» kafedrası baslıǵı R.Bawetdinov, aǵa oqıtıwshı T.Ǵanievlar sózge shıǵıp, sońǵı jılları Watanımızdıń ǵárezsizligi, xalqımızdıń azatlıǵı ushın gúresip, usı jolda janın pidá etken, siyasiy repressiya qurbanları bolǵan ata-babalarımızdıń ómiri hám islegen xızmetlerin úyreniw, olardıń atların máńgilestiriw boyınsha Ózbekstan Respublikası Prezidentiniń basshılıǵında keń kólemli jumıslar islenip atırǵanlıǵın aytıp ótti.
Ilaj sońında «Social ekonomika pánler metodikası» kafedrası baslıǵı R.Bawetdinov hám aǵa oqıtıwshı T.Ǵanievlar muzey materialları, házirgi dáwirde mekteplerde repressiya qurbanların eslew hápteligine baylanıslı jumıslar haqqında jáne de mekteplerdegi jádidlerge arnalǵan múyeshlerdi shólkemlestiriw, jas áwladqa usı biybaha ǵárezsizligimiz haqqında úgit-násiyat jumısların júrgiziw boyınsha óz pikirlerin bildirdi.
Ilajda tıńlawshılar tárepinen muzey xızmetkerlerine sorawlar berilip, olarǵa tiyisli juwaplar aldı.
