27-iyun – Baspasóz hám ǵalaba xabar quralları xızmetkerleri kúni múnásibeti menen Qaraqalpaqstan Respublikası Pedagogikalıq sheberlik orayında taraw wákilleriniń qatnasıwında bayram keshesi shólkemlestirildi.
Ilaj dawamında Oray direktorı V.Bekmuratova barlıq jurnalistler hám málimleme tarawı xızmetkerlerin kásiplik bayramları menen qızǵın qutlıqladı. Ol óziniń shıǵıp sóylegen sózinde jurnalistler jumısınıń búgingi jámiettegi ornı hám áhmietin ayrıqsha atap ótti.
“Sizlerdiń miynetińiz arqalı jámiyette sóz erkinligi, ashıq-aydınlıq sıyaqlı demokratiyalıq qádiriyatlar bekkemlenbekte. Málimleme tarawındaǵı konstituciyalıq huqıqtı támiyinlew, xalıqqa haqıyqıy hám operativ málimleme jetkeriw baǵdarındaǵı pidayılıǵıńız maqtawǵa ılayıq. Búgingi kúnde mámleketlik hám jámiyetlik basqarıwda ashıq-aydınlıq principlerin qarar tabıwında sizlerdiń ornıńız sheksiz,” – dedi Oray direktorı V.Bekmuratova óz qutlıqlawında.
Ushırasıw sońında oray tárepinen ámelge asırılıp atırǵan jumıslardı keńnen sáwlelendiriwde belsendilik kórsetip ktiyatırǵan bir topar taraw xızmetkerlerine Minnetdarshılıq xatı hám estelik sawǵaları tapsırıldı.
