«AQLVOY» AVTOBUSI BOZATAW RAYONINDA
Xabarıńız bar (https://t.me/malakanews/12731),Ózbekstan Respublikası Mektepke shekemgi hám mektep bilimlendiriwi ministrligi tárepinen mobil tájiriybe arttırıw xızmetleri tiykarında shólkemlestirilgen avtobus Qaraqalpaqstan Respublikası Pedagogikalıq sheberlik orayı ushın da ajıratılıp, bul mobil tájiriybe arttırıw xızmetleri respublikamızdıń alıs hám shetki aymaqlarında jaylasqan mektepke shekemgi bilimlendiriw shólkemleriniń pedagog kadrları ushın óz jumısların baslap jiberdi.
Búgin usı arnawlı avtobus Bozataw rayonındaǵı «Aspantay» awıl puqaralar jıyını aymaǵında jaylasqan 10-sanlı mámleketlik mektepke shekemgi bilimlendiriw shólkemine barıp, bul jerdegi pedagoglarǵa ózleri jasaytuǵın hám jumıs isleytuǵın orınlarınan uzaqlaspaǵan halda úzliksiz kásiplik rawajlanıwı, bilimlerin jańalawı ushın imkaniyat jaratıldı.
Bul jerde tájiriybe-sınaw tárizinde Mektepke shekemgi baslawısh hám arnawlı tálim metodikaları kafedrasınıń oqıtıwshıları G. Baytileuova hám G. Eshmuratovalar tárepinen shólkemniń pedagog kadrları ushın mobil qánigelik arttırıw kursı shólkemlestirilmekte.
