Xabarıńız bar, Qaraqalpaqstan Respublikası Pedagogikalıq sheberlik orayınıń qánigeleri xalıqaralıq birge islesiw sheńberinde Franciyanıń Nitsa qalasında shólkemlestirilgen gezektegi qánigeligin arttırıw baǵdarlamasında qatnaspaqta. Bul baǵdarlamada oraydıń “Pedagogika, psixologiya hám tálim texnologiyaları metodikası” kafedrasınıń aǵa oqıtıwshısı Aygul Berdimuratova hám Sanlı texnologiyalardı rawajlandırıw bóliminiń bas qánigesi Joldasbay Dalibaev qatnaspaqta. 17-26-may kúnleri dawam etip atırǵan baǵdarlama sheńberinde qatnasıwshılar 20 saat auditoriya sabaqları hám 20 saat ámeliy- sayaxat sabaqlarında qatnaspaqta.
Sabaqlarda:
✍️ klasstı nátiyjeli basqarıw;
✍️ oqıwshılardıń diqqatın sabaqqa qaratıw;
✍️ sabaq mazmunın qızıqlı hám interaktiv shólkemlestiriw;
✍️ innovaciyalıq metodlardı nátiyjeli qollanıw;
✍️ jasalma intellekt texnologiyaların bilimlendiriw procesine integraciyalaw máseleleri dodalanbaqta. Sonday-aq, Franciyadaǵı Frankofoniya orayı menen birgelikte “Milletleraralıq tatıwlıq” temasında mádeniy-aǵartıwshılıq ilajı shólkemlestirildi.
