Búgin Qaraqalpaqstan Respublikası Mektepke shekemgi hám mektep bilimlendiriwi ministrligi tárepinen “Sapalı bilimlendiriw – Jańa Ózbekstan rawajlanıwınıń bekkem tiykarı” súreni astında shólkemlestirilgen V “Ustazlar milliy forumı”nıń Respublikalıq basqıshı óz jumısın basladı. Forumnıń ashılıw máresiminde Ózbekstan Respublikası Mektepke shekemgi hám mektep bilimlendiriwi ministriniń orınbasarı Farhod Boqiyev qatnasıp, forum qatnasıwshıların qızǵın qutlıqladı hám jańa oqıw jılında pedagoglarǵa úlken tabıslar tiledi. Forumnıń tiykarǵı maqseti – Jańa Ózbekstan bilimlendiriw standartları tiykarında anıq oqıw maqsetlerin belgilew hám olardı sabaq processine nátiyjeli engiziw, pedagoglar arasında professional tájiriybe almasıw, bilimlendiriw sistemasında tallaw hám monitoringke tiykarlanǵan basqarıw mádeniyatın rawajlandırıw, zamanagóy sanlı texnologiyalar hám innovaciyalıq bilimlendiriw kózqarasların ámeliyatqa keńnen engiziwden ibarat. Maǵlıwmat ornında: Forumda Qaraqalpaqstan Respublikasınıń barlıq qala hám rayonlarınan 374 tájiriybeli pedagoglar qatnaspaqta.
