A.Avloniy atındaǵı pedagogikalıq sheberlik milliy institutında kásiplik rawajlanıw ilajlarınıń pánler kesiminde oqıw-metodikalıq, kontent materialların islep shıǵıw boyınsha seminar-treningler dawam etpekte. Institutta Tashkenttegi Gyote Institutı menen birgelikte ulıwma orta bilim beriw mektepleriniń 40 nemis tili páni muǵallimleri, master-trener hám mentorları ushın oqıw-seminar baslandı. Treningte qatnasıwshılar aymaqlarda ótkeriletuǵın KRK hám KRS ilajları ushın kontent tayarlaw hámde ilajlardı nátiyjeli shólkemlestiriwdiń zamanagóy texnologiyaları, metod hám quralları menen tanıspaqta. Shınıǵıwlar Gyote institutınıń Ózbekstandaǵı filialınan mirát etilgen maman trenerler tárepinen alıp barılmaqta. Seminar 30-avgustqa shekem dawam etedi. Bul trening kásiplik rawajlanıw ilajların nátiyjeli shólkemlestiriw, nemis tili muǵallimleriniń kásiplik sheberligin arttırıw hámde aymaqlarda metodikalıq jumıslardı nátiyjeli jolǵa qoyıwǵa xızmet etedi. Bul treninglerde Qaraqalpaqstan Respublikası Pedagogikalıq sheberlik orayı Metodikalıq xızmet kórsetiw bóliminiń nemis tili páni metodisti Toydıq Mambetova belsene qatnaspaqta. 
Kásiplik rawajlanıw ilajlarınıń nemis tili páni boyınsha oqıw metodikalıq materialların islep shıǵıwda Gyote institutı birge islespekte
Back To Top