«IV dóretiwshi oqıtıwshılar olimpiadası»nıń Qaraqalpaqstan Respublikası basqıshına start berilmekte!

«IV dóretiwshi oqıtıwshılar olimpiadası»nıń Qaraqalpaqstan Respublikası basqıshına start berildi 2024-jıldıń 3-oktyabr kúni Pedagogikalıq sheberlik orayında 2024-2025-oqıw jılındaǵı ulıwma orta bilim beriw mákemeleri hám agentlikke qaraslı qánigelestirilgen mekteplerdiń pedagog xızmetkerleri arasında «IV dóretiwshi oqıtıwshılar olimpiadası»nıń Qaraqalpaqstan Respublikası basqıshı bolıp ótpekte.  Olimpiadaǵa Qaraqalpaqstan Respublikasınan 17 komanda, Xorezm wálayatı Urgench qalasınan 1 komanda, jámi: 18 komanda qatnasıp óz bilimlerin sınaqtan ótkermekte.  «IV dóretiwshi oqıtıwshılar olimpiadası»n shólkemlestiriw hám ótkeriw tártibi olimpiadanıń Qaraqalpaqstan Respublikası basqıshı 3 turda ótkeriledi.  1-turda test sorawları (qaraqalpaq hám ózbek tilde)beriledi.  2-turda qatnasıwshılardıń qálewi boyınsha qaraqalpaq yamasa ózbek tillerinde 60 sózden ibarat diktant jazadı.  3-tur 4 basqıshtan ibarat bolıp; ➖1-basqısh: Prezentaciya (rayon (qala) hám mektebiniń jetiskenlikleri haqqında); ➖2-basqısh: Este saqlap qalıw qábileti; ➖3-basqısh: CASE usılında metodikalıq soraw-juwap; ➖4-basqısh: Óziniń dóretiwshilik jumısların usınadı. (óziniń erkin dóretiwshilik shıǵıwı)  Maǵlıwmat ushın:  Olimpiadada I, II hám III orındı iyelegen komada aǵzaları Qaraqalpaqstan Respublikası Mektepke shekemgi hám mektep bilimlendiriw ministrliginiń diplom hám bahalı sawǵalar menen sıylıqlanadı.
Madina Omarova, QMU jurnalistika fakulteti  studenti