Tillerdi oqıtıw metodikası kafedrası
Matekeev Seytjan Tajatdinovich – kafedra baslıǵı, fi.k.
Tillerdi oqıtıw metodikası kafedrası ulıwma bilim beriw mektepleriniń qaraqalpaq tili hám ádebiyatı, ózbek tili hám ádebiyatı, rus tili hám ádebiyatı, qazaq tili hám ádebiyatı, túrkmen tili hám ádebiyatı, shet (inglis, nemis, francuz) tilleri, mámleketlik (ózbek, qaraqalpaq) tilleri muǵallimleriniń qánigelik arttırıw hám olardı qayta tayarlaw kursların shólkemlestiriwde xızmet etedi. Kafedrada búgingi kúni 11 professor-oqıtıwshı tiykarǵı hám orınlaslıq tiykarında jumıs isleydi. Kafedra aǵzaları: Aekeeva Guljahan Uzbekbaevna – úlken oqıtıwshı, rus tili hám ádebiyatı qánigesi. Orımbetova Laura Berdimuratovna – úlken oqıtıwshı, rus tili hám ádebiyatı qánigesi. Turımbetov Bayrambay Qonısbaevich – docent w.a., qaraqalpaq tili hám ádebiyatı qánigesi. Qanaatova Gúlistan Oralbay qızı – úlken oqıtıwshı, qazaq tili hám ádebiyatı, qaraqalpaq tili qánigesi. Razzakova Muqaddas Nurumbetovna – úlken oqıtıwshı, ózbek tili hám ádebiyatı qánigesi. Kurbanbaev Kamal Kurbanbaevich – úlken oqıtıwshı, inglis tili qánigesi. Ibragimova Yulduz Orınbaevna – úlken oqıtıwshı, inglis tili qánigesi. Eshchanova Gulzira Endirovna – úlken oqıtıwshı, inglis tili qánigesi. Najimova Ráwshan Namshetdinovna – docent w.a., qaraqalpaq tili hám ádebiyatı qánigesi. Tadjibaeva Latofat – docent w.a., ózbek tili hám ádebiyatı qánigesi.
Kafedra professor-oqıtıwshıları pedagoglardıń úzliksiz kásiplik rawajlanıwın támiynlew baǵdarında bir qatar ilimiy hám metodikalıq jumıslardı ámelge asırıp kelmekte. Kafedrada úzliksiz kásiplik rawajlandırıwdıń dástúriy formaları menen birge qaraqalpaq tili hám ádebiyatı, túrkmen tili hám ádebiyatı, mámleketlik (qaraqalpaq) tili qanigelikleri boyınsha onlayn formaları tiykarında da kásiplik rawajlandırıw kursları ushın jańa kursları shólkemlestirip barmaqta. Sonıń menen birge Ózbekstan Respublikası Prezidentiniń 2022-jıl 11-maydaǵı 134-sanlı Pármanı menen tastıyıqlanǵan «Xalıq bilimlendiriw sistemasın 2022-2026-jıllarda rawajlandırıwdıń Milliy baǵdarlaması»nda kórsetilgen wazıypalardı orınlaw maqsetinde pedagoglardı jańa metodikalarǵa úyretiw boyınsha 18 saatlıq qısqa múddetli kóshpeli kurslardı shólkeslestiriwde de belsene qatnasıp kelmekte. Kafedra aǵzalarınan 2 professor-oqıtıwshı ilim doktorı (DSc), 2 oqıtıwshı filosofiya doktorı (PhD) ilimiy dárejesin alıw ushın ilimiy-izertlew jumısların alıp barmaqta.