Qoraqalpog‘iston Respublikasi Maktabgacha va maktab ta’limi vazirining tegishli buyrug‘i ijrosini ta’minlash maqsadida, joriy yilning 23-fevral kuni Qo‘ng‘irot tumanidagi 45-sonli maktabda manzilli “Metodik tur” tashkil etildi. Pedagogik mahorat markazi metodik xizmat ko‘rsatish bo‘limi fan metodistlari tomonidan o‘tkazilgan ushbu tadbirda maktab o‘qituvchilariga ta’lim sifatini oshirish, darslarni zamonaviy metodlar asosida tashkil etish va metodik mahoratni yuksaltirish bo‘yicha amaliy yordam ko‘rsatildi. Tadbir yakunida pedagoglar uchun o‘quv jarayonidagi muammoli masalalar yuzasidan tavsiyalar berildi.
