Qaraqalpaqstan Respublikası Pedagogikalıq sheberlik orayında oray adminstraciyası hám kásiplik awqamı komiteti arasında 2023-2025-jıllar ushın dúzilgen jámáátlik shártnamanıń orınlanıwı boyınsha gezektegi ilaj bolıp ótti. Májiliste Ózbekstan bilimlendiriw hám ilim xızmetkerleri kásiplik awqamı Nókis qalalıq bóliminiń baslıǵı M. Dawılbaev, oray basshıları hám barlıq xızmetkerler qatnastı. Ilajdı oraydıń direktorı G.T.Kojabaeva ashıp berdi. Onda jámáátlik shártnama sheńberinde xızmetkerlerdiń sociallıq-ekonomikalıq hám huqıqıy máplerin qorǵaw baǵdarında ámelge asırılǵan jumıslar talqılandı. Kásiplik awqamı komitetiniń baslıǵı A.Naǵmetullaev tárepinen usı baǵdardaǵı esabat tıńlandı. Sonday-aq, májilis dawamında oray adminstraciyası hám kásiplik awqamı komiteti arasında 2026-2028-jıllar ushın dúziletuǵın jańa jámáátlik shártnama joybarı kórip shıǵılıp, dodalawǵa qoyıldı. Ilaj juwmaǵında xızmetkerlerdiń miynet sharayatların jaqsılaw, olardıń sociallıq qorǵalıwın kúsheytiw boyınsha tiyisli wazıypalar belgilep alındı.
