Qaraqalpaqstan Respublikası Pedagogikalıq sheberlik orayında rus tili, inglis tili hám tárbiya pánleri tıńlawshıları ushın xalıqaralıq ekspert Albert De La Peña qatnasıwında ámeliy seminar shólkemlestirildi. Seminar dawamında ekspert metakogniciyanıń bilimlendiriw procesindegi áhmietine ayrıqsha itibar qarattı. Atap ótilgenindey, metakogniciya tek ǵana akademiyalıq bilimlerdi ielew emes, al erkin pikirley alatuǵın oqıwshılardı qáliplestiriwde áhmietli faktor esaplanadı. Sonday-aq, oqıtıwshılar oqıwshılarda óz pikirleri ústinde islew kónlikpesin rawajlandırıw arqalı olardıń bilimlendiriw procesine bolǵan juwapkershiligin arttırıw múmkin ekenligin úyrendi. Seminardıń tiykarǵı bólimi ámeliy sabaqlardan ibarat bolıp, onda qatnasıwshılar til sabaqları ushın islep shıǵılǵan nátiyjeli hám paydalanıwǵa tayar metod hám strategiyalar menen tanıstı. Interaktiv tapsırmalar arqalı oqıtıwshılar oqıwshılardı óz bilimlerin rejelestiriw, qadaǵalaw hám bahalawǵa baǵdarlaw usılların ámeliy jaqtan sınaqtan ótkerdi. 
Uqsas jańalıqlar
Aprel ayı tıńlawshıları ushın oqıw sabaqları baslandı
📚 Seminar tabıslı juwmaqlandı
