Kafedra baslıǵı: Utemuratov Bayrambay Kulmuratovich filologiya ilimleriniń kanditatı, docent.
Kafedrada mektepke shekemgi, baslawısh hám arnawlı tálimniń mazmunı pedagоg kadrlar ushın jańa bilim hám kónlikpelerdi ózlestiriwge, kasiplik bilimlerin jańalawǵa hám tereńlestiriwge qaratıldı. Bilimlendiriwde aldıńǵı pedagоgikalıq teхnоlоgiyalardı engiziwdi jetilistiriw bas maqset etip belgilep alındı. Qánigeligin arttırıw kurslarınıń оqıw-tematikalıq jоbalarına arnawlı temalar tiykarıbda oqıtıp kelinbekte. Sabaq alıp barıp atırǵan prоfessоr-оqıtıwshılar turaqlı túrde оqıw-seminarlarǵa qatnasıp, óz tájiriybelerin ele de bayıtıp barmaqta. Kafedra mektepke shekemgi, ulıuma оrta, mektepten tıs hám arnawlı bilimlendiriw mákemeleri, sоnday-ay, хalıq bilimlendiriwiniń aymaqlıq basqarıw оrganları basshı hám pedagоg kadrların qayta tayarlaw hám qánigeligin arttırıwǵa qaratılǵan baǵdardaǵı оqıw, ilimiy-metоdikalıq jumıslardı ámelge asırıp kelmekte. Pedagоg kadrlardıń qánigeligin arttırıw- bilimlendiriw túrleri bоyınsha Mámleketlik bilimlendiriw standartları, mámleketlik talaplar tiykarında kásiplik hám pedagоgikalıq sheberliginiń turaqlı turde ósip barıwın, оqıw-tárbiya prоcessin jоqarı ilimiy-metоdikalıq dárejede alıp barıwın támiyinlew, оqıtılatuǵın pán yamasa kurs, pedagоgikalıq yamasa infоrmaciyalıq teхnоlоgiyaları hám оqıtıwdıń interaktiv metоdları bоyınsha kásiplik bilim, tájiriybe hám kónlikpelerdi turaqlı túrde jańalap barıw bоlıp tabıladı.
Kafedra baslıǵı Utemuratov Bayrambay Kulmuratovich filologiya ilimleriniń kanditatı, docent. Ózbekstan Respublikası Xalıq bilimlendiriw aǵlası, Qaraqalpaqstan Respublikası Xalıq bilimlendiriw aǵlası. Bir neshe jıllıq pedagogikalıq tájiriybege iye pedagog. Bilimlendiriw sistemasın jetilistiriwge baylanıslı respublikalıq, xalıqaralıq kinferenciya hám ilimiy-metodikalıq tezis hám maqalalardıń avtorı. “Házirgi qaraqalpaq tilindegi bayanlawıshtıń struktura-semantikalıq túrleri” monografiya 2013-jıl, “Baslawısh klaslarda ana tilin oqıtıw metodları” 2017-jıl, “Baslawısh klass oqıwshılarınıń kommunikativlik kompetenciyasın qáliplestiriw” 2021-jıl, “Ulıwma orta bilim beriw mektep oqıwshılarınıń kommunikativlik kompetenciyasın rawajlandırıw” 2022-jıl oqıw qollanbaların járiyaladı.
Dilanov Bekmurza Gulimbetovich filologiya ilimleriniń kanditatı, docent. Búgingi kúndegi qaraqalpaq tiliniń rawajlanıwına baylanıslı tezis hám maqalalar járiyalap kelmekte. Ásirese baslawısh klaslarda Ana tili hám oqıw sawatlılıǵı pánin oqıtıw boyınsha baslawısh klass oqıtıwshılarına sabaq alıp baradı.
Yusupova Gulshiraxan Zinatdinovna kafedra docenti, pedagogika ilimleri boyınsha filosofoya doktorı (PhD). Ózbekstan Respublikası Xalıq bilimlendiriw aǵlası, Qaraqalpaqstan Respublikası Xalıq bilimlendiriw aǵlası. Baslawısh klass oqıtıwshıları ushın “Boshlangʻich sinf oʻquvchilarida kreativ faollikni shakillantirish tizimi” monografiya 2020-jıl, “Boshlangʻich sinf oʻquvchilarida kreativ faollikni shakillantirish metodlari” oqıw qollanbasın 2021-jılı járiyaladı. Bunnan basqa da respublikalıq, xalıqaralıq konferenciya hám ilimiy-metodikalıq tezis hám maqalalar járiyaladı.
Saliyeva Perdexan Alimbetovna kafedra aǵa oqıtıwshısı. Ózbekstan Respublikası Xalıq bilimlendiriw aǵlası, Qaraqalpaqstan Respublikası Xalıq bilimlendiriw aǵlası. “Ana tili hám oqıw sawatlılılǵı” 1-klass ushın sabaqlıq, “Ana tili hám oqıw sawatlılılǵı” 2-klass ushın sabaqlıq, “Ana tili hám oqıw sawatlılılǵı” 2-klass ushın sabaqlıǵı ushın metodikalıq qollanbasınıń avtorlarınıń biri. Ol “2-klass ana tili sabaqlarinda IKT dan paydalanıw” 2021-jıl metodikalıq qollanba, “Ana tili hám oqıw sawatlılıǵı sabaqlarında interaktiv metodlar” metodikalıq qollanba 2022-jıl baspadan shıǵardı. Turaqlı túrde respublikalıq, xalıqaralıq kinferenciya hám ilimiy-metodikalıq tezis hám maqalalar járiyalap kelmekte.
Tajekbaeva Ziyuarxan Qoshqarbayevna kafedra aǵa oqıtıwshısı. Ózbekstan Respublikası Xalıq bilimlendiriw aǵlası, Qaraqalpaqstan Respublikası Xalıq bilimlendiriw aǵlası. Bay pedagogikalıq tájiriybege iye bolıp, qayta tayarlaw hám qánigeligin arttırıw kurs tıńlawshıları ushın tábiyiy pánlerdi oqıtıw boyınsha sabaq alıp baradı. Mekteplerde tábiyiy pánlerdi oqıtıwda qollanılıw tiyis zamanagóy metodlardı engiziw jolların úyretip kelmekte. Respublikalıq, xalıqaralıq konferenciya hám ilimiy-metodikalıq tezis hám maqalalar járiyaladı.
Ixlasov Islam Userbaevich kafedra aǵa oqıtıwshısı. Qayta tayarlaw hám qánigeligin arttırıw kurs tıńlawshılarına baslawısh klaslarda matematika pánin oqıtıw metodikası boyınsha sabaq alıp baradı. Zamanagóy metodlar arqalı baslawısh klaslarda oqıwshılarǵa matematika pánin nátiyjeli úyretiw boyınsha tájiriybelerin úyretip kelmekte.