Qaraqalpaqstan Respublikası Pedagogikalıq sheberlik orayında professor-oqıtıwshılardıń kásiplik kompetentligin arttırıw hám metodikalıq potencialın bekkemlew maqsetinde gezektegi ámeliy seminar shólkemlestirildi. Bul seminar “Mektepke shekemgi, baslawısh hám arnawlı tálim metodikaları” kafedrası docenti G.Yusupova tárepinen “Oqıwshılarģa informaciyalıq tekstlerdi ótiwde “PASPORT jaratıw” metodınan nátiyjeli paydalanıw” temasında alıp barıldı. Seminarda oray direktorı Gulistan Kojabaeva qatnasıp, bilimlendiriwdiń sapasın arttırıwda zamanagóy pedagogikalıq texnologiyalar hám innovaciyalıq metodlardan nátiyjeli paydalanıw úlken áhmiyetke iye ekenin atap ótti. Seminar dawamında bul metod boyınsha tómendegi máselelerge itibar qaratıldı: qatnasıwshılarda úyrenilgen bilimlerdi sistemalastırıw hám uliwmalastırıw; áhmiyetli bilimlerdi ajıratıp alıw kónlikpelerin rawajlandırıw; birgelikte islew, kreativ hám sın kózqarastan pikirlew kompetenciyaların qáliplestiriw. Ilaj interaktiv tárizde shólkemlestirilip, qatnasıwshılar ushın ámeliy jaqtan paydalı boldı. 
#EDUTALK_WEEKLY Pedagogikalıq sheberlik orayında ámeliy seminar shólkemlestirildi
Back To Top