Pedagogikalıq sheberlik orayında Keńes májilisi bolıp ótti

Qaraqalpaqstan Respublikası Pedagogikalıq sheberlik orayınıń gezektegi Keńes májilisi bolıp ótti. Keńes májilisin oray direktorı G.Kojabaeva ashıp berdi hám alıp bardı. Májiliste oraydıń kafedra hám bólim baslıqları, professor-oqıtıwshılar hám metodistler qatnastı. Májilis dawamında oraydıń kafedra hám bólimleri tárepinen usı jıldıń ótken tórt ayı dawamında ámelge asırılǵan jumıslar boyınsha esabatlar tıńlandı. Erisilgen jetiskenlikler menen bir qatarda, keleshekte ámelge asırılıwı kerek bolǵan wazıypalar da belgilep alındı. Sonnan: — “Ózbekstan – 2030” strategiyası hám 2026-jıl – “Máhállelerdi rawajlandırıw hám jámiyetti jetilistiriw jılı” Mámleketlik baǵdarlamasında belgilengen wazıypalardan kelip shıǵıp, ilajlardıń turaqlı túrde ótkeriliwin támiyinlew; — jıllıq rejede belgilengen ruwxıy-aǵartıwshılıq ilajlardıń óz waqtında hám sapalı shólkemlestiriliwin támiyinlew; — kafedralarda ilimiy-izertlew hám metodikalıq jumıslar baǵdarında professor-oqıtıwshılardıń jumısın bunnan bılay da jetilistiriw; — professor-oqıtıwshılar hám pán metodistleriniń abıraylı xalıqaralıq ilimiy bazalar – SCOPUS hám Web of Science, sonday-aq, Joqarı attestaciya komissiyası tárepinen usınıs etilgen sırt el hám jergilikli ilimiy jurnallarda maqalalar jáne konferenciya tezislerin basıp shıǵarıp barıwdı keńeytiw; — úzliksiz kásiplik rawajlandırıw kursı tıńlawshılarınıń kásiplik hám pedagogikalıq sheberligin turaqlı arttırıp barıw, olardıń aldınǵı pedagogikalıq hám málimleme texnologiyaları, sonday-aq, interaktiv oqıtıw usılları boyınsha bilim, kónlikpe hám tájiriybelerin turaqlı túrde jańalap barıw wazıypaları belgilendi.