Qaraqalpaqstan Respublikası Pedagogikalıq sheberlik orayında “Anıq hám tábiyiy pánler metodikası” kafedrasınıń baslaması menen ximiya páni tıńlawshılarınıń qatnasıwında “Ximiya-bul ómir” atamasında ilaj shólkemlestirildi.
Ilajdı kafedra baslıǵı Q.Turmanov ashıp berip, ximiya pániniń insan ómirindegi ornı hám áhmiyeti haqqında aytıp ótti.
Bunnan soń kafedranıń aǵa oqıtıwshısı A. Esnazarov ximiya tek formulalar hám laboratoriyalar emes, al tábiyat, insan hám turmıstıń ajıralmas bólegi ekenligin ayrıqsha atap ótti.
Ilaj dawamında tıńlawshılar tárepinen tayarlanǵan saxnalıq kórinisler hám interaktiv shıǵıwlar qatnasıwshılarda úlken tásir qaldırdı.
✨Ilaj sońında tıńlawshılar ximiya pánin zamanagóy pedagogikalıq qatnaslar tiykarında oqıtıw, oqıwshılarda ilimge qızıǵıwshılıqtı arttırıw hám innovaciyalıq metodlardan nátiyjeli paydalanıw boyınsha óz-ara tájiriybe almastı.
