Korrupciyasız jámiyet – abadan turmıs tiykarı

2026-jıl 21-may kúni Pedagogikalıq sheberlik orayında “Korrupciyasız jámiyet – abadan turmıs tiykarı” atamasında ushırasıw shólkemlestirildi. Ilajda oraydıń professor-oqıtıwshıları hám de tıńlawshıları qatnastı. Ushırasıwdı social-ekonomikalıq pánler kafedrası baslıǵı, tariyx ilimleriniń kandidatı, docent R.Bauetdinov ashıp berdi hám alıp bardı. Ilaj dawamında Ózbekstan Respublikası Ministrler Kabinetiniń 2026-jıl 24-apreldegi 202-sanlı qararı qosımshsınıń 42-bántine muwapıq, “Xalıq arasında aymaqlıq nigilizm jaǵdayların saplastırıw, puqaralarǵa huqıqbuzarlıqlardıń jámiyet hám mámleket rawajlanıwı ushın unamsız aqıbetlerge alıp keliwshi illet ekenligi júzesinen tuwrı dúniyaqarasın qáliplestiriw hám bekkemlewge qaratılǵan kompleks úgit-násiyat jumısların shólkemlestiriw” wazıypasınıń orınlanıwın támiyinlew boyınsha Ózbekstan Respublikası Mektepke shekemgi hám mektep bilimlendiriw ministrliginiń 2026-jıl 18-maydaǵı 03-13-2584-sanlı xatında belgilengen wazıypalardıń orınlanıwın támiyinlew, korrupciyaǵa qarsı gúresiw boyınsha úgit-násiyat jumısların shólkemlestiriw máselelerine ayrıqsha itibar qaratıldı. Atap ótilgenindey, xalıqtıń huqıqıy sanası hám mádeniyatın arttırıw, korrupciyaǵa qarsı mawasasız múnásibetti qáliplestiriw maqsetinde úgit-násiyatlaw materialları hám prezentaciyalardı keńnen úgit-násiyatlaw, tarawǵa baylanıslı nızamshılıq hújjetleri jáne ishki lokal normativlik hújjetlerdi xızmetkerlerge jetkerip beriw úlken áhmiyetke iye. Ushırasıw juwmaǵında korrupciyaǵa qarsı gúresiwde jámiyettiń barlıq qatlamlarınıń birge islesiwin kúsheytiw, jaslardıń sanasında hadallıq hám ádillik principlerin bekkemlew búgingi kúnniń áhmiyetli wazıypalarınan biri ekeni ayrıqsha atap ótildi.