Mektepke shekemgi hám mektep bilimlendiriwi ministrligi, Respublikalıq bilimlendiriw orayı hám bir qatar xalıqaralıq shólkemler menen birgelikte islep shıǵılǵan Jetilistirilgen Milliy oqıw baǵdarlamasın rásmiy tanıstırıwǵa baǵıshlanǵan ilaj bolıp ótti. Bul áhmiyetli ilajda Qaraqalpaqstan Respublikası Pedagogikalıq sheberlik orayı Tillerdi oqıtıw metodikası kafedrasınıń docenti B.Turımbetov ta qatnastı. Ilaj dawamında jetilistirilgen Milliy oqıw baǵdarlamasın islep shıǵıw procesinde ámelge asırılǵan jumıslar, erisilgen nátiyjeler hám bilimlendiriwdiń mazmunın zamanagóy talaplar tiykarında jetilistiriw perspektivaları haqqında maǵlıwmatlar berildi. Ilajda aldınǵı xalıqaralıq tájiriybeni bilimlendiriw procesine engiziw, pánler boyınsha oqıw maqsetlerin anıq belgilew hám pedagoglardıń zamanagóy metodikalıq qatnasıqlardan paydalanıw imkaniyatların keńeytiw máselelerine ayrıqsha itibar qaratıldı.
