Búgin Abdulla Avloniy atındaǵı pedagogikalıq sheberlik milliy institutında Gyote Institutı menen birgelikte “Kásiplik rawajlanıw kúni” hám “Kásiplik rawajlanıw saatı” (KRK hám KRS) ilajları sheńberinde nemis tili páni master-trenerleri hám mentor-oqıtıwshıları ushın qısqa múddetli oqıwlar baslandı. 24-29-avgust kúnleri dawam etetuǵın oqıwlar eki toparda shólkemlestirilgen bolıp, qatnasıwshılar ushın nemis tilin oqıtıwda zamanagóy metodikalıq qatnaslarǵa baǵıshlanǵan ámeliy sabaqlar ótkerilmekte. Oqıwlar dawamında: ➖ A1-A2 dárejelerde receptorlıq hám produktiv kónlikpelerdi rawajlandırıw; ➖ B1 dárejesinde oqiw hám tıńlap túsiniw kónlikpelerin rawajlandırıw; ➖ sóylew kónlikpesin rawajlandırıwdıń interaktiv metodları; ➖ jazba sóylewdi rawajlandırıwdıń usıl hám quralları boyınsha shınıǵıwlar alıp barılmaqta. Qaraqalpaqstan Respublikası Pedagogikalıq sheberlik orayınıń nemis tili metodisti Toydıq Mambetova da usı oqıw procesinde qatnaspaqta. Bul oqıwlar 2026-2027-oqıw jılında KRK hám KRS ilajların nátiyjeli shólkemlestiriw, pedagoglardıń kásiplik sheberligin jáne de rawajlandırıw hám aldınǵı metodikalıq tájiriybelerdi ámeliyatqa engiziwge xızmet etedi. 
Nemis tili páni master-trenerleri hám mentor-oqıtıwshıları ushın qısqa múddetli oqıwlar baslandı
Back To Top