Qaraqalpaqstan Respublikası Pedagogikalıq sheberlik orayında 21-oktyabr — Ózbek tili bayramı kúnin múnásip belgilew, mámleketlik tildiń abırayın hám statusın jáne de arttırıw maqsetinde “Ózbek tili bilimdanı” atamasında zakawat intellektuallıq oyın shólkemlestirildi. Intellektuallıq bellesiwde oraydıń ózbek tili hám ádebiyatı jáne mámleketlik til páni muǵallimlerinen ibarat 3 komanda óz ara kúsh sınastı. Qatnasıwshılar ana tilimizdiń baylıǵı, ádebiyatımız dúrdanaları hám til bilimine baylanıslı bilimlerin kórsetip, logikalıq pikirlew hám operativ juwap beriw sheberliklerin sınaqtan ótkerdi. Qızǵın hám mazmunlı ótken oyın juwmaǵında komandalardıń nátiyjeleri esaplanıp, jeńimpaz komanda anıqlandı. 
BILIMLER JARÍSÍ: “ZAKAWAT” — TIL BILIMDANLARÍ MAYDANDA!
Back To Top