Sekciya májilislerinde bilimlendiriw procesine engiziletuǵın oqıw reje, oqıw baǵdarlaması hám sabaqlıqtaǵı ózgerisler pedagog xızmetkerlerge jetkerilip, oqıtıwshılarǵa málimleme kommunikaciya texnologiyaları, elektron resurslar hám multimedia qurallarınan paydalanıw boyınsha usınıslar berildi.
Milliy forum sheńberinde ótkerilgen sekciya májilislerine Qaraqalpaqstan Respublikası pedagoglardı jańa metodikalarǵa úyretiw milliy orayınan metodist-trenerler hám tájiriybeli muǵallimlerden A.Esnazarov «Ámeliyattan teoriyaǵa shekem», N.Matlatipova «Ana tili ádebiyatı pánin jańa kóz-qarasː xalıqaralıq tájiriybelerdiń mazmunı hám áhmiyeti», J.Ótepbergenov «Mekteplerde jańa bahalaw sistemasın nátiyjeli shólkemlestiriw. Jańa bahalaw sistemasınıń jetiskenlikleri», M.Palwanova «2023-2024-okıw jılı ushın Ámeliy pánlerde islep shıǵılǵan oqıw reje, oqıw maqsetleri hám metodikalıq usınıslar», A.Shırazov «Mektepke shekemgi hám mektep bilimlendiriw tarawına tiyisli normativ-huqıqıy hújjetler», G.Ótegenova «Huqıq pánin oqıtıwda zamanagóy metodlardan paydalanıw» hám A.Keńesbaevlar «Metodikalıq xızmet kórsetiw bóliminiń keleshektegi wazıypaları» atamasında bayanat jasadı hám sekciyalardıń moderatorı boldı.
