“Anıq hám tábiyiy pánler metodikası” kafedrasınıń aǵa oqıtıwshısı Gúlxan Jiemuratova hám Metodikalıq xızmet kórsetiw bóliminiń metodisti Indira Allaniyazova tárepinen «Pedagogtıń XXI ásir kónlikpesi» joybarı tiykarında «Ápiwayı hám quramalı sorawlar» (Методика «Толстые» и «Тонкие » вопросы) atamasında seminar-trening ótkerildi.
Ilajǵa Pedagogikalıq oraydıń professor-oqıtıwshıları hám «Metodikalıq xızmet kórsetiw bóliminiń metodistleri qatnastı.
“Tolıq” hám “názik” sorawlar metodın qollanǵanda oqıwshılarda-Maǵlıwmatlar menen islesiw, sorawlar dúziw, maǵlıwmatlar almasıw, analizlew hám sintezlew, analiz etiw hám sorawlardı anıqlaw kónlikpeleri qáliplesedi.
“Tolıq” hám “názik” sorawlar metodın qollanıw maqseti: sorawlar dúziw, sorawlar beriw, qarsılasın tıńlaw, sorawlar menen islesiw.
“Tolıq” hám “Názik” sorawlardı ótkeriw izbe-izligi:
1. Oqıwshılarǵa “Tolıq” hám “Názik” sorawlar arasındaǵı ayırmashılıqtı túsindiriw.
2. Oqıwshılarǵa jeke yamasa toparlarǵa bólip temaǵa baylanıslı “Tolıq” hám “Názik” sorawlar dúziw hám dúzilgen sorawlardı tablica formasında dápterine jazıw.
3. Bir-birine sorawlar beredi, juwaplar beredi.
4. Egerde sorawlar juwapsız qalsa tapsırma etip beriledi, yamasa birgelikte sheshedi.
5. Juwapsız qalǵan sorawlar arqalı muǵállim oqıwshılardıń túsinbegen bilimlerin bilip aladı.
“Tolıq” hám “názik” sorawlar metodı menen baylanıslı:
Keys-Stadi texnikası, Rops furmulası, Altı qalpaq texnikası, Blum kubigi strategiya, 5 «ne ushın» metodı, Blum Romashka, Evrikalıq izertlew metodı, INSERT texnikası, Oylań, birlesiń, bólisiń metodıları menen birge sabaq procesinde qollansaq boladı.
Seminar sońında qatnasıwshılar ózleriniń qızıqtırǵan sorawlarına juwaplar aldı.
