«1-oktyabr – Muǵalimler hám ustazlar kúni» bayramı aldınan Moynaq rayonındaǵı 3-sanlı ayırım pánlerge tereńlestirilip oqıtılatuǵın klassları bar ulıwma orta bilim beriw mektebinde ulıwma orta bilim beriw mákemeleriniń pedagog xızmetkerleri arasında eki basqıshlı «IV dóretiwshi muǵallimler olimpiadası»nıń rayonlıq basqıshı bolıp ótti.
Oǵan ulıwma 14 komanda qatnasıp, belgilengen shártler boyınsha óz-ara bellesti.
Qızıqlı ótken jarıs juwmaǵında, birinshi orındı 3-sanlı mektep komandası jeńip aldı hám «IV dóretiwshi muǵallimler olimpiadası»nıń Qaraqalpaqstan Respublikalıq basqıshına jollamanı qolǵa kirgizdi.
Al, ekinshi orındı 4-sanlı mektep komandası, úshinshi orındı 15-sanlı mektep komandası jeńip alıwǵa miyasar boldı hám jeńimpazlar shólkemlestiriwshiler tárepinen Húrmet jarlıqları menen sıylıqlandı.
