Texnologiya páni oqıtıwshılarına “Texnologiya sabaqlarında jańadan kirgizilgen quramalı temalardı úyretiw” atamasında STEAM laboratoriya kabinetinde oqıw-seminar shólkemlestirildi.
Seminardıń maqseti – jańa áwlad dástúri tiykarında jańadan kirgizilgen quramalı temalardı texnologiya toparı tıńlawshılarına úyretiw hám olardıń kásiplik kompetentligin arttırıwǵa járdem beriwden ibarat.
Seminardıń wazıypaları – zamanagóy tálim sistemasında oqıtıwshı kompetentligin arttırıw, quramalı sabaqlardı nátiyjeli shólkemlestiriw usılları hám pánleraralıq baylanıslı sabaqlar shólkemlestiriw usılları menen tanıstırıw bolıp esaplanadı.
Seminar dawamında Qaraqalpaqstan Respublikası Pedagogikalıq sheberlik orayı Ámeliy pánler hám mektepten tısqarı tálim metodikası kafedrası professorı, sociologiya ilimleri kandidatı N.Ibragimova óziniń Texnologiya sabaqların shólkemlestiriw usılları boyınsha “3D ruchkalar haqqında túsinik hám hár qıylı geometriyalıq kórinisler jasaw”, “
Polimer ılayı haqqında túsinik hám olardan buyımlar jasaw”, “Tálimde 5E jantasıw hám onı texnologiya sabaqları temalarında qollanıw jolları” temaların kórgizbeli shólkemlestirildi.
Seminar sońında tıńlawshılar menen pikirler almasıldı.
