Usı jıl 24-oktyabr kúni Qaraqalpaqstan Respublikası Pedagogikalıq sheberlik orayı direktorı Venera Bekmuratova mektepke shekemgi hám mektep bilimlendiriwi mákemeleri xızmetkerlerin úzliksiz kásiplik rawajlandırıw baǵdarında alıp barılıp atırǵan jumıslar menen tanıstırıw maqsetinde kurs tıńlawshıları menen ushırasıw ótkerdi.
Ushırasıwda Pedagogikalıq orayı direktorı Ózbekstan Respublikası Prezidentiniń 2024-jıl 21-iyundaǵı «Mektepke shekemgi hám mektep bilimlendiriw mákemeleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha is-ilajlar haqqında»ǵı 231-sanlı qararınıń mazmunı hám áhmiyeti, Ózbekstan Respublikası Mektepke shekemgi hám mektep bilimlendiriwi ministriniń 2024-jıl 7-avgusttaǵı «Ulıwma orta bilimlendiriw mákemeleri oqıtıwshıları ushın «Kásiplik rawajlanıw kúni» hám «Kásiplik rawajlanıw saatı» ilajların basqıshpa-basqısh engiziw haqqında»ǵı 246-sanlı buyrıǵında belgilengen wazıypalar haqqında maǵlıwmat berdi.
Sonday-aq, Prezident hám qánigelestirilgen bilimlendiriw mákemeleriniń aldıńǵı tájiriybelerin ulıwma orta bilim beriw mákemelerine engiziw, oqıwshılardı bahalawdıń jańa (formativ hám summativ) tártibi haqqında túsinikler berdi.
Tıńlawshılar jańa huqıqıy-normativ hújjetlerde qabıl etilgen ózgerisler boyınsha ózlerin qızıqtırǵan sorawlarǵa juwap aldı.
