Hár bir mámlekettiń jámiyetlik-siyasiy hám sociallıq-ekonomikalıq rawajlanıwın Konstituciya hám sonıń sheńberinde qabıl etiletuǵın nızam hám nızamnan kelip shıǵatuǵın normativ hújjetlersiz kóz aldımızǵa keltiriwimiz qıyın. Qaraqalpaqstan Respublikası Pedagogikalıq sheberlik orayında Ózbekstan Respublikası Konstituciyasınıń 32 jıllıǵına baǵıshlanǵan ilaj bolıp ótti. Bayram ilajı Ózbekstan hám Qaraqalpaqstan Respublikalarınıń mámleketlik gimnleri menen baslandı.Ilajda Qaraqalpaqstan Respublikası Pedagogikalıq sheberlik orayı direktorı V.Bekmuratova, «Social-ekonomikalıq pánler metodikası» kafedrası aǵa oqıtıwshısı A.Shırazov, Tariyx páni kurs tıńlawshısı N. Taspolatovalar shıǵıp sóylep, Ózbekstan Respublikası Konstituciyasınıń qabıl etilgenine 32 jıl tolıwı múnásibeti menen qızǵın qutlıqlap, Ózbekstan Respublikası Konstituciyası mámleketimizdegi huqıqıy tártip, sociallıq ádillik hám mámlekettiń bekkemligin támiyinlewde úlken áhmiyetke iye hújjet ekenligin atap ótti.
Bayram ilajında tıńlawshılar tárepinen tayarlanǵan koncert baǵdarlaması menen dawam etti.
