Respublikamızdaǵı aldınǵı tájiriybeli muǵallimlerdi birlestiretuǵın «Ustazlar associaciyası» óz jumısın basladı.
Usı jıldıń 15-dekabr kúni Qaraqalpaqstan Respublikası Pedagogikalıq sheberlik orayında usı associaciyanıń «JAŃA SHOQQÍLAR – BILIMLENDIRIWDE IZLENIWSHILIK HÁM DÓRETIWSHILIK» atamasındaǵı dáslepki forumı ótkerilmekte. Forumda hárbir pán kesiminde muǵallimler óz bilim hám kónlikpelerin, metodikasın, kásiplik sheberligin arttıradı.
«Ustazlar associaciyası» kásiplik rawajlandırıwdıń jańa jolların izlew baǵdarında muǵallimlerdiń bir-biri menen tájiriybe almasıwın jolǵa qoyıwdı maqset etedi.
