Qaraqalpaqstan Respublikası Pedagogikalıq sheberlik orayında 2025-oqıw jılınıń ashılıwına arnalǵan saltanatlı ilaj bolıp ótti.
Ilajǵa Qaraqalpaqstan Respublikası Mektepke shekemgi hám mektep bilimlendiriw ministriniń orınbasarı M.Shlimbetova, Qaraqalpaqstan Respublikası Pedagogikalıq sheberlik orayı jámááti, tıńlawshılar qatnastı.
Bayram ilajın Qaraqalpaqstan Respublikası Pedagogikalıq sheberlik orayı direktorı V.Bekmuratova ashıp berdi hám qatnasıwshılardı jańa oqıw jılınıń baslanıwı menen qutlıqlap, Ózbekstan Respublikası Prezidentiniń 2024-jıl 21-iyundaǵı «Mektepke shekemgi hám mektep bilimlendiriw shólkemleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha is-ilajları haqqında»ǵı 231-sanlı hám Ministrler Kabinetiniń 2024-jıl 20-dekabrdegi “Mektepke shekemgi hám mektep bilimlendiriwi xızmetkerlerin úzliksiz kásiplik rawajlandırıw sistemasın jetilistiriw haqqında”ǵı 867-sanlı qararlarınıń mazmun-mánisi hám áhmiyeti haqqında aytıp ótti.
Qarar tiykarında qánigelik arttırıw sistemasına tómendegi ózgerisler kirgizildi:
2025-jıl yanvardan baslap hár bes jılda bir márte (100 saatlıq oqıw baǵdarlaması, 1 ay dawamında) jumıstan ajıratılǵan halda (offlayn) ótkeriletuǵın qánigeligin arttırıw kursları engiziledi;
qánigeligin arttırıw kurslarında bilim alıwshılardıń bilimin bahalaw processleriniń pedagog kadrlarǵa qánigelik kategoriyasın beriw hám olardı kásiplik sertifikatlaw sistemaları menen úzliksizligi támiyinlenedi;
