Ózbekstan Respublikası Prezidentiniń 152-sanlı Pármanı hám Mektepke shekemgi hám mektep bilimlendiriw ministriniń 362-sanlı buyrıǵınıń orınlanıwın támiyinlew maqsetinde 2025-jıl 21-yanvar kúni Qaraqalpaqstan Respublikasındaǵı 25 tayanısh mektepke shekemgi bilimlendiriw shólkemlerinde jetekshi pedagoglar (direktor orınbasarları) qatnasıwında “Metoikalıq sheberlik kúni” ilajları ótkerilmekte.
“Metodikalıq sheberlik kúni” hám “Metodikalıq sheberlik saatı” ilajlarınıń tiykarǵı wazıypaları:
Aldınǵı tájiriybelerdi mektepke shekemgi bilimlendiriw shólkemlerine engiziw,
Pedagog xızmetkerlerge zamanagóy pedagogikalıq hám innovaciyalıq bilimlendiriw texnologiyaların ózlestiriw ushın sharayat jaratıw,
Pedagog xızmetkerlerdiń óz betinshe bilim alıwı hám aldınǵı pedagogikalıq tájiriybelerdi úyreniwin shólkemlestiriw,
Pedagog xızmetkerlerdi jańa metodikalar menen tanıstırıw,
Pedagog xızmetkerlerge óz-ara tájiriybe almasıw hám birge islesiw imkaniyatın jaratıw,
Mektepke shekemgi bilimlendiriw shólkeminde bilimlendiriw-tárbiya procesin baqlaw, reflekciyalıq ámeliyat hám kásiplik rawajlanıwǵa sharayat jaratıw,
Metodikalıq sheberlik kúnleri yanvar-may ayları dawamında belgilengen hápteniń sárshembi kúnlerinde trener-mentorlar tárepinen mektepke shekemgi bilimlendiriw shólkemleri direktor orınbasarlarınıń kásiplik sheberligin arttırıw ushın maqsetli tayarlaw boyınsha seminar, trening, sheberlik sabaqları hám erkin bilimlendiriw ilajları ótkerilip barılıwı rejelestirilgen.
“Metodikalıq sheberlik kúni” oqıw baǵdarlamasınıń hár bir temalarında balalardı rawajlandırıwshı 5 taraw qamtıp alınıp, oqıw baǵdarlaması tiykarında temaǵa sáykes interaktiv shınıǵıwlardı orınlaw, didaktikalıq materiallardı qollanıw texnologiyaları, temaǵa sáykes oyınlardı ótkeriw metodikaları, balalar ushın qosıq hám qosıqlar qatnasıwshılarǵa úyretip barıladı.
Metodikalıq sheberlik saatları, direktor orınbasarları tárepinen mektepke shekemgi bilimlendiriw toparlarında bilimlendiriw-tárbiya procesin baqlaw, refleksiyalıq ámeliyat hám pedagoglar ushın tájiriybe arttırıw ilajları ótkeriletuǵın saatlar esaplanıp, hár bir shólkemdegi pedagog xızmetkerlerge jeke tártipte ótkerip barıladı.
