2023-jıl 23-yanvar kúni Tashkent qalasındaǵı Hilton miymanxanasında Ózbekstan bilimlendiriw tarawındaǵı reformalar hám erisilgen jetiskenliklerdi dodalaw maqsetinde xalıqaralıq sherikler menen ushırasıw shólkemlestirildi. Ilaj “Aqıllı keleshek ushın global birge islesiw” temasında bolıp, bilimlendiriw tarawındaǵı jańa kózqaraslar, innovaciyalar hám zamanagóy metodikalar haqqında pikir alısıldı. Ushırasıwda Qaraqalpaqstan Respublikası Pedagogikalıq sheberlik orayınıń direktorı Venera Bekmuratova hám Akademiyalıq iskerlik boyınsha direktor orınbasarı Amirxan Qayıpnazarov qatnasıp, Ózbekstanda bilimlendiriw tarawında ámelge asırılıp atırǵan ózgerisler, innovaciyalıq sheshimler hám xalıqaralıq birge islesiw nátiyjeleri boyınsha pikir alıstı. Xalıqaralıq shólkemler — UNICEF, UNESCO, UNDP, IHRT, Jáhán banki sıyaqlı áhmietli sherikler menen bolıp ótken sóylesiw dawamında bilimlendiriwde global tájiriybeler hám innovaciyalıq metodikalar tiykarında jańa perspektivalar jaratıw dodalandı. Sonıń menen birge, bilimlendiriw sistemasın bunnan bılay da jetilistiriw hám inklyuziv bilimlendiriw imkaniyatların keńeytiw boyınsha keleshektegi rejeler belgilendi. 
Uqsas jańalıqlar
Men kewlim menen hesh qashan jalǵan sóylemeymen…
Я сердцем никогда не лгу…
