Qaraqalpaqstan Respublikası Pedagogikalıq sheberlik orayında túrkiy xalıqlar ádebiyatınıń kórnekli wákili, ózbek ádebiy tiliniń tiykarın salıwshısı, shayır hám mámleketlik ǵayratker, ǵázzel múlkiniń sultanı Áliysher Nawayınıń tuwılǵanına 584 jıl tolıwı múnásibeti menen «Nawayı yadımızda máńgi jasaydı» atamasında ádebiy keshe shólkemlestirildi.
Oǵan professor-oqıtıwshılar hám tıńlawshılar qatnastı.
Keshede «Tillerdi oqıtıw metodikası» kafedrası baslıǵı, f.i.k. S.Matekeev sózge shıǵıp, Áliysher Nawayınıń bay hám kóp qırlı dóretiwshiligi tek ǵana ózbek ádebiyatında emes, sonıń menen birge, dúnya ádebiyatında da salmaqlı orınǵa iye ekenligin, Nawayı lirikalıq, epikalıq hám filosofiyalıq dóretpeleri menen XV ásir ádebiyatında tereń iz qaldırdıǵanlıǵın aytıp ótti.
Keshe sońında qatnasıwshılar tárepinen ullı sánege baǵıshlap Áliysher Nawayınıń ǵázzel hám rubayılarınan úzindiler oqıldı.
