Taqıyatas rayonındaǵı 7-sanlı mektep direktorınıń baslaması menen mektep kóleminde «Jıldıń eń dóretiwshi muǵallimi» tańlawınıń ekinshi basqıshı bolıp ótti.
Tańlawǵa mekteptiń jas muǵallimleri qamtıp alındı.
Tańlawdıń maqseti: jas pedagoglardıń sabaq ótiw sheberligin arttırıw hám qızıqlı shólkemlestiriw arqalı oqıwshılardıń sabaq barısında aktiv qatnasın támiynlew, teoriyalıq bilimlerin ámeliyatta qollana alıw kónlikpelerin rawajlandırıwǵa baǵdarlanǵan.
Sonday-aq, KRK hám KRS ilajlarında ózlestirgen metodikaların sabaq barısında qollanıw hám muǵallimler arasında tájiriybe almasıwda úlken áhimiyetke iye bolıp tabıladı.
Ótkerilgen tańlawda Pedagogikalıq sheberlik orayınıń tábiyiy pán metodistleri (koordinatorlar) qatnastı hám rayon kóleminde tájiriybe almasıwdı jolǵa qoyıw boyınsha usınıslar berildi.
