Usı jıldıń 26-mart kúni S’celo Velenkosini Zulu tárepinen Pedagogikalıq sheberlik orayınıń biologiya páni boyınsha kásiplik rawajlanıw kurs tıńlawshılarına «Oqıtıwshınıń jaqsı pazıyletleri» temasında seminar ótkerildi. Seminardıń maqseti: oqıtıwshılardıń kásiplik kónlikpelerin jańalaw hám rawajlandırıwǵa járdem beriwden ibarat. Seminarda oqıtıwshınıń kásiplik bilimi, kommunikaciya qábileti, dóretiwshiligi, etika hám ádep-ikramlılıq normalarına ámel etiw sıyaqlı tiykarǵı pazıyletleri dodalandı. Qatnasıwshılar oqıtıwshınıń shólkemlestiriwshilik qábileti, motivaciya beriw usılları hám oqıwshılar menen jaqsı qarım-qatnas ornatıw máseleleri boyınsha óz tájiriybeleri menen bólisti hám túrli interaktiv shınıǵıwlar, topar jumısları hám piker almasıw arqalı ózlerin jańa pedagogikalıq metodlarǵa hám zamanagóy bilim beriw usılların óz pánlerinde qollanıwǵa tayar ekenligin kórsetti. Seminar dawamında tıńlawshılar pikir-usınısların bildirip, oqıtıwshılardıń jeke hám jámáátte birge islesiw kónlikpelerin jaqsılaw jolları boyınsha maǵlıwmatlarǵa iye boldı. 
«Oqıtıwshınıń jaqsı pazıyletleri» temasında seminar ótkerildi
Back To Top