Qaraqalpaqstan Respublikası pedagogikalıq sheberlik orayında “Anıq hám tábiyiy pánler metodikası” kafedrası aǵa oqıtıwshısı O.Saparov tárepinen matematika páninen “Tegislikte geometriyalıq figuralar perimetri hám maydanı” temasında ashıq sabaǵı ótkerildi.
Sabaqtıń tiykarģı maqseti: Tegis geometriyalıq figuralar (úshmúyeshlik, tórtmúyeshlik, parallelogramm, trapeciya, sheńber hám t.b.) perimetri hám maydanın anıqlaw usılların úyretiw; Formulalardı turmistaģi real misallar arqalı qollanıwdı kórsetiw; STEAM (Science, Technology, Engineering, Art, Math) qatnasıqlarınan paydalanǵan halda kreativ iskerlikti rawajlandırıw. Sabaq juwmaǵında hárbir tıńlawshı: Formulalardı ózlestiredi. Oqıwshılardı qızıqtırıw ushın jańa usıllardı úyrenedi. Ózi dúzgen modeller menen sabaqtı bayıtıw imkaniyatına iye boladı. 
