Ózbekstan Respublikası Prezidentiniń 2022-jıl 11-maydaǵı “2022-2026-jıllarda Xalıq bilimlendiriwin rawajlandırıw boyınsha Milliy baǵdarlamanı tastıyıqlaw haqqında”ǵı PP-134-sanlı Pármanındaǵı mektep bilimlendiriwin rawajlandırıwǵa qaratılǵan wazıypalardıń orınlanıwın támiyinlew maqsetinde Qaraqalpaqstan Respublikası pedagogikalıq sheberlik orayı tárepinen jobalı túrde pedagoglarǵa úzliksiz metodikalıq járdemler kórsetip barıw belgilep alınǵan. Usı maqsette 28-aprel kúni Tillerdi oqıtıw metodikası kafedrası professor-oqıtıwshıları tárepinen Xojeli rayonındaǵı ulıwma bilim beriw mákemeleri muǵallimleri ushın “Jańa metodikalar tálim sapasın asırıwdıń áhmiyetli faktorı” atamasında qısqa múddetli kóshpeli kurs shólkemlestirildi. Kóshpeli kurs ámeliy seminarı tárizinde ótkerildi. Kurstıń maqseti: oqıw-tárbiya procesin innovaciyalıq kózqaraslar menen bayıtıw, oqıtıwshılardıń kásiplik potencialın arttırıw hám bilimlendiriwdiń sapasın jańa basqıshqa alıp shıǵıwdan ibarat. Kurs dawamında temalar úyrenildi: Klasstı basqarıw hám oqıwshılar menen unamlı qatnasıq ornatıw; Sorawlar beriw hám sın pikirlew kónlikpelerin rawajlandırıw; Joybarǵa tiykarlanǵan tálim; Oqıwshılardıń biim, kónlikpe hám uqıplılıqların bahalawda zamayagóy qatnaslar; Sabaqtı jobalastırıw hám sabaq maqsetlerin durıs qoyıw. Qatnasıwshılar zamanagóy pedagogikalıq texnologiyalar, Kembridj oqıtıw sistemasına tiykarlanǵan innovaciyalıq metodlardı ámeliyatqa engiziw boyınsha bilim hám kónlikpelerin bekkemlew imkaniyatına iye boldı. Pedagogikalıq sheberlik orayı tárepinen bunday kurslar jıl dawamında Joba tiykarında shólkemlestirilip barılıwı jobalastırılǵan. 
Jańa metodikalar – bilimlendiriwdiń sapasın arttırıwdıń áhmiyetli faktorı
Back To Top