Qaraqalpaqstan Respublikası pedagogikalıq sheberlik orayında «Qánigelestirilgen klass hám mekteplerge qábiletli oqıwshılardı tańlaw hám olar menen islesiw metodikası» atamasında trening ótkerildi.
Trening pedagogikalıq sheberlik oray professor-oqıtıwshılarınıń kásiplik sheberligi hám kompetenciyaların rawajlandırıw maqsetinde shólkemlestirildi.
Trening Pedagogika, psixologiya hám tálim texnologiyaları metodikası” kafedrasınıń aǵa oqıtıwshısı Aygúl Berdimuratova tárepinen alıp barıldı.
Bul seminardıń tiykarǵı maqseti – oqıtıwshılardı qánigelestirilgen klass hám mekteplerge qábiletli oqıwshılardı tańlap alıw hám olar menen nátiyjeli islesiw metodikası boyınsha jańasha pedagogikalıq kózqaraslar menen tanıstırıw bolıp tabıladı. Seminar dawamında oqıwshılardıń dóretiwshilik hám analitikalıq qábiletlerin rawajlandırıwǵa qaratılǵan metodlar, individual qatnaslar hám zamanagóy bilimlendiriw texnologiyalarınıń bilimlendiriw procesinde qollanılıwı máseleleri dodalanadı.
