Búgin – Ózbekstan Qaharmanı Ibrayım Yusupovtıń tuwılǵan kúni!

Ózbekstan hám Qaraqalpaqstan xalıq shayırı, Ózbekstan Qaharmanı Ibrayım Yusupov 1929-jıl 5-mayda Shımbay rayonında tuwılǵan. Shayırdıń «Baxıt lirikası», «Kúnshıǵıs jolawshısına», «Úyler», «Jeti asırım», «Dala ármanları», «Kewil kewilden suw isher», «Tumaris hám basqa poemaları», «Yosh», «Alasatlı dúnya bul», «Duzlı samallar», «Kewildegi keń dúnya», «Begligińdi buzba sen…», «Hár kimniń óz zamanı bar» atamasındaǵı qosıq kitapları hám «Tańlamalı shıǵarmaları» toplamları basıp shıǵarılǵan. Ibrayım Yusupov «El-yurt hurmati», «Do‘stlik» ordenleri menen de sıylıqlanǵan. Onıń qosıqları ózbek, qazaq, túrkmen, qırǵız tilleri menen bir qatarda, rus, inglis, ukrain, belarus, gruzin, latısh hám basqa da xalıqlardıń tillerine awdarılǵan. Shayır 2008-jıl 24-iyulda dúnyadan ótken. Prezidentimiz Shavkat Mirziyoyevtiń arnawlı qararı menen Nókiste Ibrayım Yusupovtıń esteligi hám onıń atındaǵı dóretiwshilik mektebi qurıldı.