1929-jılı 7-may sánesinde Kegeyli rayonınıń Shortanbay awılında (házirgi Nókis rayonı aymaǵında) dúnyaǵa kelgen. Onıń birinshi povesti “Sekretar” degen at penen basılıp shıǵadı. Eń dáslepki gúrriń hám ocherkleri “Bloknot sóyleydi” degen toplamında basılıp shıqtı. Házirge shekem “Muǵallimge raxmet”, “Suwıq tamshı”, “Uyqısız túnler” povestleri, “Qaraqalpaq qızı”, “Qaraqalpaq dástanı”, “Kózdiń qarashıǵı”, “Qaraqalpaqnama” dóretpeleri, sonday-aq ǵárezsizlik dáwirine tiyisli “O dúnyadaǵı atama xatlar”, “Qálbimniń qamusı”, “Túrkiynama” hám taǵı basqa dóretpeleri házirgi qaraqalpaq prozasınıń bunnan bılay da rawajlanıwında úlken áhmiyetke iye bolıp tabıladı. 1974-jılı T.Qayıpbergenovqa “Qaraqalpaq xalıq jazıwshısı” degen ataq berildi. Bunnan basqa da Qashqariy atındaǵı xalıqaralıq sıylıqtıń laureatı bolıp, bir qatar orden hám medallar menen sıylıqlandı.
Búgin Ózbekstan Qaharmanı Tólepbergen Qayıpbergenov tuwılǵan kún
Back To Top