Universitette 2025-2026-oqıw jılında sırt el bilimlendiriw baǵdarlamaları tiykarında Anıq pánler mektebi shólkemlestirilip, onda Matematika, Málimleme texnologiyaları jáne Jasalma intellekt hám robototexnika baǵdarlarında 400 student qabıl etiliwi názerde tutılǵan.
Anıq pánler mektebinde esaplaw (calculus), programmalastırıw, fizika, sızıqlı algebra, diskret matematika, maǵlıwmatlar strukturaları hám algoritmler, jasalma intellekt hám robototexnika, inglis tili pánlerinen sabaq beretuǵın professor-oqıtıwshılar tańlap alınıp, Kembridj universitetinde tájiriybe arttırıwı maqset etilgen.
Kurs juwmaǵı boyınsha Kembridj universitetiniń mamanlıq sertifikatına ie bolǵan professor-oqıtıwshılar 2025-2026-oqıw jılınan Nizamiy atındaǵı Ózbekstan milliy pedagogikalıq universitetinde jumıs baslaydı.
Tańlawda qatnasıwshı professor-oqıtıwshılarǵa qoyılatuǵın birlemshi talaplar:
– ilim kandidatı (PhD) yamasa ilim doktorı (DSc) ǵa ie bolıwı;
– 5 jıl hám onnan artıq pedagogikalıq jumıs stajına ie bolıwı;
– inglis tilin B2 dárejede biliwi (til biliw sertifikatı);
– Scopus, web of science xalıqaralıq ilimiy jurnalları jáne joqarı indekske ie ilimiy jurnallarda maqalalar basıp shıǵarılǵanlıǵı;
– óz páni baǵdarında túrli grant hám joybarlarda qatnasıwı.
Tańlaw 3 basqıshta ámelge asırıladı. Qatnasıw ushın talap etiletuǵın hújjet hám maǵlıwmatlardı tanlov.uzedu.uz siltemesi arqalı jiberiwińiz múmkin.
Tańlawda Nizamiy atındaǵı Tashkent mámleketlik pedagogikalıq universitetinde jumıs alıp barıp atırǵan professor-oqıtıwshılarǵa ústinlik beriledi.
Húrmetli professor-oqıtıwshılar, bul imkaniyatlar siz ushın, onnan paydalanıń!
