Qaraqalpaqstan Respublikası Pedagogikalıq sheberlik orayı jámááti de usı iygilikli baslamada belsene qatnasıp, óz úlesin qostı. Shembilik dawamında aymaqlardı abadanlastırıw, tereklerdi tárbiyalaw, tazalaw jumısları ámelge asırıldı.
Ilajda jámáát aǵzaları bir jaǵadan bas shıǵarıp, qorshaǵan ortalıqtı jáne de payızlı etiwge bel bayladı. Bunday jumıslarda birge islesiw hám miyrim-shápáát ruwxınıń ayqın kórinisi hashardıń tiykarǵı maqsetine tolıq sáykes keldi.
Sonıń menen birge, ulıwmaxalıqlıq shembilik respublikamızdıń barlıq aymaqlarında, ministrlikler hám uyımlardıń aymaqlıq bólimleri qatnasıwında da ótkerilmekte.
Shembilik – bul tek ǵana tazalıq hám abadanlıq emes, al birlik, miyrim-shápáát hám bir-birimizge járdem beriwdiń ayqın tımsalı.
