Pedagogikalıq sheberlik orayınıń “Social-ekonomikalıq pánler metodikası” kafedrası hám Qaraqalpaqstan Respublikası Málimleme-kitapxana orayı menen birgelikte “Metodistler, bibliograflar, katalogizatorlar mektebi” atamasında sheberlik sabaǵı shólkemlestirildi.
Bul ilajdıń tiykarǵı maqseti – kitapxana xızmetkerleriniń kásiplik potencialın arttırıw, olardıń zamanagóy málimleme-kitapxana texnologiyalarınan nátiyjeli paydalanıw kónlikpelerin rawajlandırıw hám metodikalıq jumısta aldınǵı tájiriybelerdi ǵalaba en jaydırıwdan ibarat.
Ámeliy sabaqlar Genjegul Ubbiniyazova (Pedagogikalıq sheberlik orayı), sonday-aq, V. Tanirbergenova hám G. Tajimuratova (Málimleme-kitapxana orayı) tárepinen alıp barıldı.
Sabaq dawamında qatnasıwshılarǵa bibliografiyalıq maǵlıwmatlar bazasın qáliplestiriw, maqalalardı mámleketlik standartlarǵa muwapıq analitikalıq táriyiplew, bibliografiyalıq qollanbalar dúziw tártibi hám metodikalıq jumıstı shólkemlestiriwdiń aldınǵı kózqarasları haqqında ámeliy maǵlıwmatlar berildi.
Ilaj sońında tıńlawshılar tárepinen soraw-juwaplar ótkerilip, óz-ara tájiriybe almasıldı hám kitapxana jumısın jetilistiriwge baylanıslı usınıslar bildirildi. 
