Qaraqalpaqstan Respublikası Pedagogikalıq sheberlik orayında “Mektepke shekemgi bilimlendiriwden paydalanıw imkaniyatların keńeytiw” joybarı sheńberinde ótkerilgen úsh kúnlik seminar-trening juwmaqlandı. Seminar-treningte Qaraqalpaqstan Respublikası Mektepke shekemgi hám mektep bilimlendiriw ministri orınbasarı M.Shlımbetova hám Pedagogikalıq sheberlik orayı direktorı wazıypasın waqtınsha atqarıwshı B.Iztileuov shıǵıp sóylep, qatnasıwshılarǵa trening dawamında alǵan ámeliy kónlikpelerin mektepke shekemgi bilimlendiriw shólkemlerinde qollanıw arqalı jumıs procesin nátiyjeli shólkemlestiriw, pedagogikalıq jumıs sapasın arttırıwǵa xızmet etetuǵınlıǵın atap ótti. Trening sabaqların UNICEFtiń erte rawajlanıw hám mektepke shekemgi bilimlendiriw máseleleri boyınsha qánigeleri hám xalıqaralıq ekspert Kristian Fabbi alıp bardı. Seminar-trening dawamında qatnasıwshılar mektepke shekemgi bilimlendiriwdiń sapasın arttırıw, aldıńǵı pedagogikalıq hám innovaciyalıq qatnaslardı ámeliyatqa engiziw, sonday-aq, balalardıń erte rawajlanıwın qollap-quwatlaw boyınsha jańa bilim hám kónlikpelerge iye boldı. Ilaj sońında qatnasıwshılarǵa sertifikatlar saltanatlı túrde tapsırıldı. 
UNICEF xalıqaralıq ekspertleriniń qatnasıwında úsh kúnlik seminar-trening juwmaqlandı
Back To Top