#EDUTALK_WEEKLY
Qaraqalpaqstan Respublikası Pedagogikalıq sheberlik orayında professor-oqıtıwshılardıń kásiplik kompetentligin arttırıw hám zamanagóy tálimde jasalma intellekt texnologiyalarınan nátiyjeli paydalanıw maqsetinde “Jasalma intellekt tálimde nátiyjeli sabaq ushın aqıllı sheshimler” atamasında ámeliy seminar ótkerildi.
Seminardı “Anıq hám tábiyiy pánler metodikası” kafedrasınıń aǵa oqıtıwshısı Dilfuza Qutlımuratova alıp bardı.
Ilaj dawamında qatnasıwshılarǵa jasalma intellekttiń bilimlendiriw tarawında qollanılıwı, sabaq nátiyjeliligin arttırıwǵa xızmet etetuǵın aqıllı sheshimler hám innovaciyalıq metodlar haqqında tolıq maǵlıwmatlar berildi.
Sonday-aq, seminar qatnasıwshıları Napkin AI, ChatGPT, Canva AI, Waygraoud hám Pixverse AI baǵdarlamaları menen ámeliy islesiw procesinde óz kónlikpelerin bekkemledi.
