“Pánge tiyisli kompetenciyalardı qáliplestiriwde zamanagóy oqıw procesin shólkemlestiriw jolları: 5E tálim modeli” atamasında ámeliy seminar ótkerildi

#EDUTALK_WEEKLY Qaraqalpaqstan Respublikası Pedagogikalıq sheberlik orayında professor-oqıtıwshılardıń kásiplik kompetentligin arttırıw maqsetinde “Pange tiyisli kompetenciyalardı qáliplestiriwde zamanagóy oqıw procesin shólkemlestiriw jolları: 5E bilimlendiriw modeli” atamasında ámeliy seminar shólkemlestirildi. Seminardı “Tillerdi oqıtıw metodikası” kafedrasınıń aǵa oqıtıwshısı Murat Urazbaev alıp bardı. Seminarda qatnasıwshılarǵa 5E bilimlendiriw modeliniń mánisi, onı sabaq procesinde qollanıw imkaniyatları hám oqıwshılardıń belsendiligin arttırıwǵa xızmet etetuǵın innovaciyalıq metodlar haqqında maǵlıwmat berildi. Sonday-aq, seminar dawamında 5E modeli basqıshlarına tiykarlanǵan ámeliy shınıǵıwlar ótkerilip, qatnasıwshılar óz kónlikpelerin bekkemledi.