7-noyabr kúni Qaraqalpaqstan Respublikasındaǵı tayanısh mekteplerde inglis tili páni baǵdarında gezektegi “Kásiplik rawajlanıw kúni” ilajı shólkemlestirildi.
Ilaj dawamında mentor oqıtıwshılar tárepinen “Sabaq baslanıwında oqıwshılardı tartıw hám sabaqtı baslaw juwmaqlawdıń nátiyjeli usılları” temasında ámeliy shınıǵıwlar ótkerildi. Sabaqlarda oqıwshılardıń itibarın tartıw, motivaciyasın arttırıw hám olardıń sabaqtaǵı belsendiligin támiyinlewge qaratılǵan pedagogikalıq texnologiyalar dodalandı.
Sonday-aq, sabaqqa baylanıslı 5 minutlıq “hook” (kirisiw bólimi) jaratıw usılları, sabaq juwmaǵında bilimlerdi bekkemlew, tiykarǵı ideyalardı ulıwmalastırıw hám bahalawdıń nátiyjeli usılları kórsetip ótildi.
Ilaj dawamında oqıtıwshılar sabaq procesinde qollanılıwı múmkin bolǵan paydalı tapsırmalar, qısqa shınıǵıwlar hám interaktiv usıllardı islep shıǵıw boyınsha ámeliy tájiriybe almastı.
Maǵlıwmat ushın:
Qaraqalpaqstan Respublikasında inglis tili páni boyınsha 19 tayanısh mektepte 30 mentor muǵallim 714 jetekshi muǵallimlerge “Kásiplik rawajlanıw kúni” ilajları ótkerilmekte.
