2025-jıl 13-noyabr kúni Qaraqalpaqstan Respublikası Pedagogikalıq sheberlik orayınıń Metodikalıq xızmet kórsetiw bólimi metodistleri tárepinen “Metodikalıq zakovat” intellektual oyını ótkerildi.
Bul ilajdıń maqseti – tıńlawshılardıń belsendiligin arttırıw, logikalıq pikirlew qábiletin rawajlandırıw, kásiplik potencialın kórsetiw hám óz-ara tájiriybe almasıw ushın nátiyjeli ortalıq jaratıwdan ibarat boldı.
Oyında baslawısh tálim, tárbiya, rus hám inglis tili baǵdarlarınıń tıńlawshıları qatnasıp, pánler kesiminde dúzilgen metodikalıq sorawlarǵa juwap beriw procesinde óz bilim hám tájiriybelerin sınaqtan ótkerdi.
Ilaj dawamında qatnasıwshılar tek ǵana durıs juwap tabıw emes, al mashqalalarǵa dóretiwshilik penen qatnas jasaw hám logikalıq pikirin tiykarlaw kónlikpelerin de kórsetti.
Nátiyjeler boyınsha: 🥇 1-orın – inglis tili páni oqıtıwshıları, 🥈 2-orın – baslawısh tálim baǵdarı muǵallimleri, 🥉 3-orın – tárbiya páni muǵallimleri jámáátine nesip etti.
Jeńimpaz komandalar «Húrmet jarlıq»lar hám estelik sawǵaları menen sıylıqlandı.
