2025-jıl 12-noyabr kuni Qaraqalpaqstan Respublikası Pedagogikalıq sheberlik orayı tıńlawshıları Nókis qalasındaǵı Prezident mektebine barıp, aldınǵı tájiriybelerdi úyrendi. Pedagogikalıq sheberlik orayı hám Prezident mektebi arasındaǵı birge islesiw sheńberinde shólkemlestirildi.
“Social-ekonomikalıq pánler metodikası” kafedrası oqıtıwshıları G.Allaxova hám G.Ubbiniyazova basshılıǵında “Tariyx” páni tıńlawshıları xalıqaralıq hám jergilikli oqıtıwshılardıń sabaqların baqlap, zamanagóy bilimlendiriw metodları menen tanıstı. Sonday-aq, mekteptegi zamanagóy laboratoriya hám kitapxanalardıń jumısı menen jaqınnan tanısıp, innovaciyalıq bilimlendiriw ortalıǵı haqqında ámeliy tájiriybe arttırdı.
Prezident mektebi tariyx páni muǵallimleri Z.Tajetova hám B.Erxanov tárepinen ótkerilgen seminarlar dawamında “Oqıwshılardıń sheshenlik qábiletlerin rawajlandırıw” hám “Blum taksonomiyası” metodları haqqında tolıq túsinikler berildi.
