Pedagogikalıq oraydıń «Pedagogika, psixologiya hám tálim exnologiyaları» kafedrası aǵa oqıtıwshısı Q.Klishov hám A. Masharipova tárepinen mekteptiń oqıw isler boyınsha direktor orınbasarları kurs tıńlawshılarına «Kriteriyaǵa tiykarlanǵan jańa bahalaw sisteması» temasında seminar shólkemlestirildi.
Seminardıń tiykarǵı maqseti – ulıwma orta bilim beriw mekteplerinde engizilip atırǵan kriteriyalarǵa tiykarlanǵan bahalaw sistemasın nátiyjeli engiziw, oqıwshılardıń bilimin formativ hám summativ bahalaw principlerin durıs qollanıw boyınsha juwapker xızmetkerlerdiń kásiplik qánigeligin arttırıwdan ibarat.
Seminar dawamında:
Formativ hám summativ bahalawdıń mazmuni, maqseti hám qollanıw tártibi; Bahalaw kriteriyaları tiykarında oqıwshı jetiskenliklerin anıqlaw mexanizmleri;
Elektron jurnal arqalı bahalaw procesin durıs alıp barıw boyınsha ámeliy kórsetpeler;
Bahalaw sisteması arqalı bilim beriw procesinde ashıq-aydınlıq hám qalıslıqtı támiyinlew baǵdarları.
Sonday-aq, jańa bahalaw sisteması boyınsha belgilengen talaplardı tolıq orınlaǵan bilimlendiriw mákemeleri ústemege ılayıq dep tabıldı. Usı múnásibet penen ústemege iye bolǵan Ámiwdárya rayonı 1-sanlı ulıwma orta bilim beriw mektebiniń oqıw isleri boyınsha direktor orınbasarı Jabbarbergenova Shaxidanıń mekteptegi jumısları, tájiriybesi hám erisilgen nátiyjeleri menen seminar qatnasıwshıları tanıstırıldı.
