#ashıq_sáwbet Búgin Pedagogikalıq sheberlik orayı direktorı wazıypasın atqarıwshı Baymurat Iztileuov, akademiyalıq iskerlik boyınsha direktor orınbasarı Amirxan Qaypnazarov hám akademiyalıq iskerlikti muwapıqlastırıw bólimi baslıǵı Miras Uteniyazov tıńlawshılar menen ashıq sáwbet ótkerdi. Ilajda úzliksiz kásiplik rawajlandırıw kursların aldınǵı pedagogikalıq, málimleme-kommunikaciya hám innovaciyalıq texnologiyalar tiykarında nátiyjeli shólkemlestiriw máseleleri dodalandı. Tıńlawshılarǵa oraydıń ishki tártip-qaǵıydaları esletip ótildi. Sonday-aq, tıńlawshılar oqıw procesindegi belsendiligi, sabaqlarǵa bolǵan qızıǵıwshılıǵı hám óz pikir-usınısları menen ortaqlastı. Ilajda korrupciyaǵa jol qoymaw boyınsha túsinikler berildi hám hár qanday nızamsız jaǵdaylarǵa qatań shara kóriletuǵını málim etildi. 
Pedagogikalıq sheberlik orayında ashıq pikirlesiw ótkerildi
Back To Top