9-fevral kúni ullı shayır hám oyshıl, belgili mámleketlik hám jámiyetlik ǵayratker Áliysher Nawayınıń tuwılǵan kúni múnásibeti menen Qaraqalpaqstan Respublikası Pedagogikalıq sheberlik orayında
“Hayrat olamiga chorlagan daho”
atamasında tańǵı ilaj bolıp ótti.
Ullı shayır hám oyshıl, belgili mámleketlik hám jámiyetlik ǵayratker Áliysher Nawayınıń biybaha dóretiwshilik-ilimiy miyrası tek ǵana xalqımızdıń emes, sonıń menen birge, jáhán ádebiyatı tariyxında, milliy mádeniyatımız hám ádebiy estetikalıq oylarımızdıń rawajlanıwında ayrıqsha orınǵa iye. Ullı shayır óziniń shıǵarmalarında ulıwma insanıy ideyalardı ulıǵlap, ózbek tiliniń sóz baylıǵı hám sheksiz túsindiriw imkaniyatların kórsetip berip, jer júzindegi millionlaǵan kitapqumarlardıń júrek tórinen múnásip orın iyeledi.
Ilajda ǵázzel múlkinin sultanı Áliysher Nawayınıń ómir jolı, dóretiwshiligi hám enciklopediyalıq bilimleri haqqında qatnasıwshılarǵa maǵlıwmatlar berildi. Sonday-aq, ilaj dawamında qatnasıwshılarǵa Áliysher Nawayınıń ómiri hám dóretiwshiligine baylanıslı túrli tapsırmalar berildi.
