2026-jıl 17-mart kúni Qaraqalpaqstan Respublikası Pedagogikalıq sheberlik orayınıń metodistleri tárepinen Nókis qalasındaǵı tayanısh mámleketlik mektepke shekemgi bilimlendiriw shólkemlerinde “Metodikalıq sheberlik kúni” sheńberinde gezektegi ámeliy seminar-trening ótkerildi. Ilajda mektepke shekemgi bilimlendiriw shólkemleriniń direktor orınbasarları belsene qatnasıp, óz-ara tájiriybe almasıw hám ámeliy kónlikpelerdi bekkemlew imkaniyatına iye boldı. Seminar-trening dawamında mektepke shekemgi bilimlendiriw shólkemlerinde metodikalıq jumıslardı nátiyjeli jolǵa qoyıw mexanizmleri, bilimlendiriw procesin sapa jaǵınan jańa basqıshqa alıp shıǵıw faktorları, sonday-aq, balanıń erkin pikirlewi hám dóretiwshilik qábiletin rawajlandırıwda estetikalıq bilimlendiriwdiń ornı boyınsha anıq ámeliy usınıslar berildi. Sonday-aq, Pedagogikalıq sheberlik orayınıń mektepke shekemgi bilimlendiriw metodisti A.Otarbaev hám metodistler J.Kojabaev hám T.Auezimbetov ózleriniń aldıńǵı tájiriybeleri, nátiyjeli ámeliy qollanbaları hám metodikalıq usınısları menen ortaqlasıp, seminar mazmunın jáne de bayıttı. 
Nókis qalasında “Metodikalıq sheberlik kúni” sheńberinde ámeliy seminar-trening ótkerildi
Back To Top